بلال بجرولوی

پانی پت (ہریانہ) . کہاں تو مسلمان اپنے لےے پارلیمنٹ میں ریزرویشن کاخواب دیکھ رہے تھے اورکہاں خودکی سیاسی بے وزنی کوبڑھانے کے لےے ہونے والے اقدامات کو وہ بے بسی سے دیکھ رہے ہیں۔وزیر اعظم کا فرمان ہے کہ ہندوستانی جمہوریت بحال ہو گئی اوراس کا دل صحیح مقام پرہے۔ اس ملک کی دوسری سب سے بڑی اکثریت کوبھی جمہوریت کا اصلی چہرہ دیکھنے کا موقع مل گیا۔اس سے قبل ہم اس کا نظارہ ایران کے خلاف IAEAکی قرار داد کے موقع پر بھی دیکھ چکے ہیں اورامریکہ سے نیوکلیئرڈیل کے موقع پربھی۔سونیا گاندھی کہتی ہیں کہ ہم ماضی میں بھی خطرات مول لے چکے ہیں اورمستقبل میں بھی لیتے رہیں گے۔نہ جانے کانگریس کے ایجنڈے پرابھی اورکیا کچھ ہے۔انہوں نے خواتین بل کواپنے شوہر کے دیرینہ خواب کی تعبیر قرار دیا ہے مگر سوال یہ ہے کہ ملک کو کب تک نہرو خاندان کی ذاتی جائداد سمجھا جاتا رہے گا۔ ان خیالات کا اظہار ریاستی مسلم مجلس مشاورت کی مٹنگ مےں کےا گیا،جس کی صدارت مشاورت کے جنرل سکریٹری مولانا امجد مجیدی کررہے تھے۔اس موقع پر مولانا مرسلےن زبیری نے کہا کہ اس ملک میں زبانوں کی بنیاد پر صوبے توتشکےل پاسکتے ہیں،پسماندہ ذاتوں کوتعلیم ،اقتدار اورملازمتوں میں ریزرویشن حاصل ہو سکتا ہے۔جنس کی بنیاد پر خواتین کی نمائندگی کا سیاسی کارڈکھیلا جاسکتا ہے مگر مسلمانوں کی حقیقی نمائندگی کا مسئلہ کبھی حل نہیں ہو سکتا۔مسلم خواتین کی نمائندگی کے لئے آپ جوں ہی منہ کھولیں گے حکومت اقلیتی امور کے وزیر سلمان خورشید کے واسطہ سے آپ کے سامنے”مسلم ویمن ایمپاورمنٹ “ کالالی پاپ پیش کر دے گی۔جس کے لئے گیارہویں پنچ سالہ منصوبہ میں50 کروڑ کی خطیر رقم مختص کی گئی ہے۔جس کے ذریعہ 2لاکھ اقلیتی خواتین کو”بااختیار بنانے کی تربیت“کاپروگرام پیش کیا جارہا ہے۔مگر خیال رہے کہ یہ رقم ان NGOsکو ہی فراہم کی جائے گی جن کا سالانہ بجٹ ایک کروڑ سے کم نہ ہو۔یعنی وہ جو بیرون ملک سے آنے والے فنڈ پر پل رہی ہیں جن کا تعلق امریکی ،صہیونی مقتدرہ سے جا ملتا ہے اورجن کا مقصد”بااختیاری“کے نام پرخواتین کو بیہودگی ،بے حیائی ،سرکشی اوراسلام دشمن بنانے کی سازش ہے ۔مٹنگ کو خطاب کرتے ہوئے مولانا امجد مجیدی نے کہا کہ کانگریس پارٹی نے گزشتہ 2 سالوں مےں ملت اسلامےہ کے جذبات سے تین بار کھلواڑ کیا۔پہلی بار ایٹمی ایجنسی میں ایران کے خلاف ووٹ دیکر، دوسری بار امریکہ کے ساتھ نیوکلائی معاہدہ کر کے اور اب تیسری بار خواتین ریزرویشن بل کے معاملہ میں۔ کانگریس یہ بات سننے کو ہی تیار نہیں کہ اس بل سے اقلیتوں اور پسماندہ طبقات کو نقصان پہونچے گا۔در اصل کانگریس اعلی کمان اس خوش فہمی مےں مبتلا ہے کہ ان کا ہرفیصلہ صحیح ہے۔ انھوں نے کہا کہ ماضی میں بھی کانگریس کی مسلم مخالف فیصلوں کی ایک طویل تاریخ ہے ۔ عالم اسلام کے سب سے بڑے دشمن اسرائیل سے دوستی کی شروعات بھی کانگریس ہی نے کی تھی ۔ سکیولرازم کا لبادہ اوڑھ کر مسلمانوں کے حقوق کی پامالی کانگریس کا وطیرہ رہا ہے ۔خواتین ریزرویشن بل معاملہ میں بھی کانگریس نے ایک نہیں سنی اور بل کو راجےہ سبھا میں پاس کرادیا۔انھوں نے کہا کہ مسلمان خواتین ابھی ووٹ ڈالنے بھی کم نکلتی ہیں، بھلا مسلمان خواتین انتخاب کہاں سے لڑینگی؟ آزادی سے لیکر اب تک صرف پندرہ سولہ مسلم خواتین لوک سبھا پہونچی ہیں ،جب لوک سبھا کی 33فیصد نشستیں خواتین کے لئے مخصوص ہوجائینگی تو ان پر ہندوستان کا دولت مند اور اعلی تعلیم یافتہ با اثر برہمن ،بنیا اور راجپوت ہندو طبقہ قابض ہو جائے گا،مسلمان نہ گھر کا رہے گا نہ گھاٹ کا۔مولانا بلال مفتاحی نے کہا کہ نقار خانہ مےں طوطی کی آوازوالی مثال راجےہ سبھا مےں دےکھنے کو ملی،جہاں خواتےن رےزروےشن بل پاس کر دےا گےا اور بےچارے مسلم نمائندے منھ تکتے رہ گئے۔ نہ ان کی کسی نے سنی اور نہ ان کی حماےت کرنے والوں کی ۔یہی موقع تھاکہ مسلمانوں کے کٹر دشمن بھی گلے ملتے نظر آئے۔بھاجپا کی سشماسوراج دوڑ کر سونےا سے گلے ملی تو سےکولر ازم کی علمبردار ی کی سب سے بڑی دعوےدار بائیں بازو کی اہم لیڈر برندا کرات نے بڑھ کرسشماسوراج کو گلے لگاےا۔ اب اگلامرحلہ لوک سبھا کا ہے اور اس کے بعد کم از کم ملک کی 14ریاستوں کی اسمبلےوں سے اس بل کو پاس ہونا ہے۔ اس کے بعد ہی ےہ بل قانون بن پائے گا۔ جس طرح ےہ بل راجےہ سبھا مےں پاس ہو گےا ہے امےد کی جارہی ہے کہ اسی طرح اگلے مرحلوں سے گزرکر قانون کی شکل لے لےگا اور بہت جلد ملک کے پارلےمنٹ اور صوبائی اسمبلےوں مےں خواتےن کے لئے 33فےصد نشستےں مخضوص ہو جائےں گی۔ انھوں نے کہا کہ ملک مےں پہلے ہی سے 28فےصد نشستےں ST/SCکے لےے مخصوص ہےں اور دلچسپ بات ےہ ہے کہ روٹےشن ہونے کے با وجود SC/STسےٹوں کو اس طرح مخصوص کےا جاتا ہے کہ مسلم اکثرےتی علاقے ” محفوظ “ سےٹوں کی زد مےں آجاتے ہےں اور بےچارے مسلمان منھ دےکھتے رہ جاتے ہےں۔ مرکزی محکموں اور الےکشن کمےشن مےں سر گرم مسلمان مخالف لابی خواتےن کے لےے بھی اب اسی طرح سےٹےں مخصوص کرےں گی کہ مسلمان اکثرےت والی باقیماندہ نشستےں بھی جاتی رہےں ۔ ےقےنی طور پر اب وہ وقت آنے والا ہے جب ہندوستان کی پارلےمنٹ مےں مسلمانوں کی نمائندگی گھٹ جائے گی اور اب تک کی لوک سبھا کی 30..35 کی تعداد گھٹ کر 10..15ہو جائے گی۔ اس بل کی سب سے بڑی مار مسلمانوں پر پڑے گی۔انھوں نے کہا کہ اس بات کا احساس کانگرےس کے ان مسلم قائدےن کو ہو ےا نہ ہو جو پارٹی سے ہٹ کر زبان پر اےک لفظ لانے کی جسارت نہےں کرتے لےکن ملائم سنگھ ےادو اور لالو پرشاد ےادو کو ضرور رہا۔ انہوں نے اس بل کی بھر پور مخالفت کی اور امےد کی جا رہی ہے کہ آئندہ بھی کرےں گے۔انھوں نے کہا کہ دائےں بازو سے تو کوئی توقع نہےں کی جا سکتی لےکن بائےں بازو نے بھی اس بات کو لائق غور نہےں سمجھا کہ اس بل سے مسلمانوں کو کےا نقصان ہوگا۔ سچ تو ےہ ہے کہ باےاں بازو مسلمانوں کے تعلق سے مےٹھی چھری کا رول ادا کرتا آےا ہے۔ اس کا واضح نمونہ مغربی بنگال ہے جہاں گزشتہ تیس سال سے بائیں بازو کی حکومت ہے اور ملک کا صرف یہ صوبہ ایسا ہے جہاں مسلمان فاقہ کشی پر مجبور ہیں ۔این ڈی کے اہم حلیف جنتا دل (یو) اسٍ معاملہ میں بکھری نظر آئی، شرد یادو نے اس بل کی مخالفت کی لیکن نتیش کمار نے حمایت کی اور نتیش کے وفادار راجیہ سبھا اراکین نے بل کے حق میں ووٹ ڈالے ۔مولانا نے مزید کہا کہ اسی فہرست میں دلت مسلمانوں کے حقوق کا ڈنڈھورا پیٹنے والے علی انور بھی شامل ہیں، ان کی پول بھی کھل گئی ، برہمن واد اور اشراف کی مخالفت کرنے والے اس راجیہ سبھا کے رکن کی حقیقت یہ ہے کہ یہ برہمنوں اور اشراف کی کٹھ پتلی ہے اور مسلمانوں میں پھوٹ ڈالنے کے لےے استعمال ہورہے ہیں۔ انھوں نے کہا کہ حکمراں طبقہ اب امتِ مسلمہ کو کسی نئے مسئلہ مےں الجھادے گا تاکہ وہ اسی مےں لگا رہے۔آخر مےں اےک تجوےز پاس کرکے کہا گیا کہ مسلم مجلس مشاورت بل کو موجودہ شکل مےں پوری طرح مسترد کرتی ہے۔

سٹار نیوز ایجنسی

لندن (برطانیہ).برطانیہ سے پاکستان آنے والی دو مسلمان خواتین نے باڈی اسکیننگ سے انکار کردیا، ائیرپورٹ عملے نے خواتین کو طیارہ میں سوار ہونے سے روک دیا۔ مانچسٹر ائیرپورٹ کے ترجمان کے مطابق برطانیہ سے پاکستان آنے والی دو خواتین نے ائیر پورٹ پر باڈی اسکیننگ کرانے سے انکار کردیا - جس کے بعد انہیں طیارہ میں سوار ہونے سے روک دیا گیا۔ائیرپورٹ ٹرمینل ٹو پر مسلمان خواتین نے باڈی اسکیننگ سے انکار کی دینی اور طبی وجوہات ظاہر کیں۔ خواتین نے پی آئی اے پر ٹکٹس کے ہرجانے کا فیصلہ کیا

سٹار نیوز ایجنسی

واشنگٹن (امریکا). امریکا کے صدر براک حسین اوباما نے ایٹمی ہتھیاروں میں ڈرامائی کمی کا منصوبہ بنالیا۔ اوباما انتظامیہ کے سینئرحکام کے مطابق ایٹمی ہتھیاروں کے ذخیرہ میں کمی کا منصوبہ ایٹمی پالیسی کے ازسرنوجائزہ کے دوران سامنے آیا ہے۔ پالیسی کا ازسرنوجائزہ ابھی مکمل نہیں ہواتاہم ایٹمی ہتھیاروں میں کمی کا فیصلہ ہوچکا ہے۔ایٹمی ہتھیاروں ی کے ذخیرہ میں کمی کے ساتھ ساتھ طاقتور اور قابل بھروسہ دفائی صلاحیت کیلئے رقم بجٹ میں مختص کردی گئی ہے۔ نئی ایٹمی پالیسی میں روایتی ہتھیاروں کا کرداربڑھایا جائے گا۔ نئی پالیسی دنیا بھر سے ایٹمی ہتھیاروں میں کمی کی جانب اہم قدم ثابت ہوگا۔

سٹار نیوز ایجنسی

نیو یارک (امریکا) : امریکا کے شہرنیویارک میں ہزاروں افراد نے غزہ پراسرائیلی دہشت گردی کا ایک سال مکمل ہونے پراسرائیل مخالف احتجاجی جلوس نکالا۔غزہ پر اسرائیلی دہشت گردی کا ایک سال مکمل ہوا،آج امریکا کے شہر نیویارک کے علاقہ مینہیٹن میں ہزاروں افراد نے اہل غزہ کے حق میں اور اسرائیل کے خلاف احتجاجی جلوس نکالا۔ مظاہرین غزہ پر اسرائیل قبضے کے خلاف نعرے بلند کررہے تھے۔ جلوس کئی علاقوں سے گزرکراسرائیلی سفارتخانے کے سامنے پہنچا،مظاہرین پلے کارڈز اور بینرز اٹھائے ہوئے تھے۔ مظاہرے میں یہودی بھی شریک ہوئے،جن کا کہنا تھا کہ اسرائیل کی کارروائیاں تورات کی تعلیمات کے خلاف ہیں۔ستائیس دسمبر دو ہزار آٹھ کو اسرائیل نے غزہ پر جارحیت کی تھی،جس کے نتیجے میں دوہزارشہری شہید ہوئے تھے۔ بائیس روزہ جنگ میں اسرائیل نے فاسفورس بموں کا استعمال کیا،اسپتال تباہ کیے گئے۔

سٹار نیوز ایجنسی

نیو یارک (امریکا) : امریکا کے شہرنیویارک میں ہزاروں افراد نے غزہ پراسرائیلی دہشت گردی کا ایک سال مکمل ہونے پراسرائیل مخالف احتجاجی جلوس نکالا۔غزہ پر اسرائیلی دہشت گردی کا ایک سال مکمل ہوا،آج امریکا کے شہر نیویارک کے علاقہ مینہیٹن میں ہزاروں افراد نے اہل غزہ کے حق میں اور اسرائیل کے خلاف احتجاجی جلوس نکالا۔ مظاہرین غزہ پر اسرائیل قبضے کے خلاف نعرے بلند کررہے تھے۔ جلوس کئی علاقوں سے گزرکراسرائیلی سفارتخانے کے سامنے پہنچا،مظاہرین پلے کارڈز اور بینرز اٹھائے ہوئے تھے۔ مظاہرے میں یہودی بھی شریک ہوئے،جن کا کہنا تھا کہ اسرائیل کی کارروائیاں تورات کی تعلیمات کے خلاف ہیں۔ستائیس دسمبر دو ہزار آٹھ کو اسرائیل نے غزہ پر جارحیت کی تھی،جس کے نتیجے میں دوہزارشہری شہید ہوئے تھے۔ بائیس روزہ جنگ میں اسرائیل نے فاسفورس بموں کا استعمال کیا،اسپتال تباہ کیے گئے۔

سٹار نیوز ایجنسی

لندن (برطانیہ) : :بینظیر بھٹو کی دوسری برسی پر انہیں خراج عقیدت پیش کرنے کے لئے برطانیہ کے مختلف شہروں میں جلسے اور قرآن خوانی کا اہتمام کیا گیا، اس سلسلے میں ایک تقریب پاکستانی ہائی کمیشن میں ہوئی ۔تقریب کا اہتمام پیپلز پارٹی گریٹر لندن نے کیا تھا، تقریب میں مسلم لیگ ن اور ایم کیو ایم کے رہنماؤں نے بھی شرکت کی، بریڈ فورڈاورالفورڈ لین میں بھی تقاریب ہوئیں-ہائی کمیشن کی تقریب میں انصار برنی نے بھی شرکت کر کے بینظیر بھٹو کو خراج عقیدت پیش کیا۔

اسلام آباد (پاکستان): وفاقی حکومت نے آغاز حقوق بلوچستان پیکج کے تحت بلوچستان کے پڑھے لکھے بیروزگار نوجوانوں کی ملازمت کے لیے عمر کی حد تیس سال سے بڑھا کر پینتیس سال کر دی ہے ۔ بلوچستان کے ترجمان کے مطابق وفاقی حکومت نے یہ فیصلہ بلوچستان کے نوجوانوں میں موجود احساس محرومی دور کرنے کے لیے کیا ہے۔ وزیر اعلی بلوچستان نواب اسلم رئیسانی نے اس حوالے سے اہم کردار ادا کرتے ہوئے صدر وزیر اعظم اور متعلقہ فورمز پر بلوچستان کے نوجوانوں کا مقدمہ موٴثر انداز میں پیش کیا۔ آغاز حقوق بلوچستان پیکج کے تحت جن پانچ ہزار ملازمتوں کا اعلان کیا گیا ہے، عمرکی حد میں رعایت صرف ان ہی کے لیے ہے۔ اس فیصلے کا عوام نے استقبال کیا ہے۔

سٹار نیوز ایجنسی

سٹار نیوز ایجنسی

سنگاپور : امریکی صدر براک حسین اوباما نے کہا ہے کہ ایران کے ایٹمی تنازع کے سفارتی حل کا وقت تیزی سے ختم ہورہا ہے۔ سنگاپور میں روسی صدر سے ملاقات کے بعد براک حسین اوباما نے کہا کہ ان کی روسی صدر سے بات چیت مثبت رہی۔ امریکا اور روس اس بات پر متفق ہیں کہ عالمی یقین دہانیاں پوری کرنے کیلئے ایران پر دباوٴ ڈالنے کا سلسلہ جاری رکھا جائے گا۔ اگر ایران نے دنیا سے کئے گئے وعدے پورے نہ کئے تو اس کے خلاف دیگر ذرائع استعمال کئے جاسکتے ہیں تاہم روسی صدر دمتری میدویدیف نے کہا کہ دیگر ذرائع اسی وقت استعمال کئے جاسکتے ہیں جب مذاکرات کا کوئی نتیجہ نہ نکلے۔براک اوباما نے روسی صدر کے علاوہ انڈونیشیا کے صدر سوسیلو بمبانگ سے بھی ملاقات کی اور دوطرفہ تعلقات اور علاقائی صورتحال پر تبادلہ خیال کیا۔ بعد میں وہ چین کے پہلے دورے پر شنگھائی پہنچ گئے۔

سٹار نیوز ایجنسی

واشنگٹن (امریکہ). امریکہ اور متحدہ عرب امارات کے درمیان ایٹمی معاہدہ آخری مرحلے میں پہنچ گیا ہے اور امریکی کانگریس سے اس کی جلد منظوری متوقع ہے۔ امریکی وزرات خارجہ کے ترجمان آئن کیلی نے کہاکہ امریکی صدر براک حسین اوباما اس منصوبے کی منطوری دے چکے ہیں۔ انہونے کہاکہ اب یہ منصوبہ کانگریس کے پاس موجود ہے ۔ متحدہ عرب امارات مستقبل میں چالیس ہزارمیگاواٹ بجلی کی ضروریات پوری کرنے کےلئے نیوکلیئر ری ایکٹر تعمیرکرناچاہتاہے ۔ متحدہ عرب امارات نے امریکا کویقین دہانی کرائی ہے کہ جوہری ری ایکٹروں کو یورنیم کی افزدوگی کےلئے استعمال نہیں کیا جائیگا۔

سٹار نیوز ایجنسی

تہران (ایران): پاکستانی ناظم الامور نے ایرانی حکام کو یقین دلایاہے کہ پاکستانی سرزمین کو ایران کیخلاف استعمال نہیں ہونے دیاجائے گا۔انہوں نے کہا کہ پاکستان دہشتگردی کیخلاف کارروائی کررہاہے اور خود بھی دہشتگردی کا شکار ہے۔

اس سے پہلے ایرانی دفتر خارجہ نے تہران میں پاکستانی ناظم الامورکو طلب کرکے احتجاج درج کرایا۔ ایرانی دفترخارجہ نے کہاہے کہ دہشتگرد ایران میں حملوں کے لیے پاکستانی سرمین استعمال کررہے ہیں۔ ایران نے پاکستان پر زور دیا ہے کہ دہشتگردوں کے خلاف موثرکارروائی کی جائے۔ قبیلے غور ہے کہ گزشتہ کافی عرصے سے پاکستان دہشتگردی کا شکار ہے اور وہاں حملے ہو رہے ہیں۔

سٹار نیوز ایجنسی

اسلام آباد: پاکستان کی قانون ساز اسمبلی میں ایک پرجوش تقریر کرتے ہوئے پاکستانی وزیر خارجہ شاہ محمود قریشی نے کہا ہے کہ امریکی امداد کے کیری لوگر بل میں پاکستان پر کوئی پابندیاں عائد نہیں ہوتیں اور پاکستان ہرگز کسی کو ملک کے اندرونی معاملات میں مداخلت کی اجازت نہیں دے گا۔

انہوں نے اپنی انتہائی پرجوش تقریر میں کیری لوگر بل پر کیے گئے اعتراضات کا جواب دیتے ہوئے کہا کہ اس بل پر کیے گئے تمام اعتراضات بلا جواز رہے ہیں اور بل میں ایسی کوئی بات نہیں جو پاکستان کو کسی چیز پر پابند کرتا ہو۔ انہوں نے کہا کہ بل کے بارے میں یہ تاثر غلط ہے کہ اس کو قبول کر کے پاکستانی افواج میں مداخلت کا راستہ کھولا گیا ہے۔ انہوں نے واضح لفظوں میں کہا کہ پاکستان اپنی ایٹمی صلاحیت پر کسی قسم کی کوئی پابندی برداشت نہیں کرے گا۔

سٹار نیوز ایجنسی
واشنگٹن: پاکستان کی امداد کے لیے پیش کیے جانے والے متنازعہ کیری۔لوگر بل پر امریکی صدر براک اباما نے دستخط کر دیے ہیں اور اس طرح اب یہ 7.5 ارب ڈالر کا بل قانون بن گیا ہے۔

اس بل پر دستخط امریکی سینیٹ اور ایوان نمائندگان کی خارجی امور کی کمیٹیوں کے چیئرمن سینیٹر جان کیری اور کانگریس مین ہاورڈ برمن کی پاکستان کے وزیرِ خارجہ شاہ محمود قریشی کے درمیان ملاقاتوں کے بعد کیے گئے۔ یہ دونوں اشخاص یہ بل پیش کرنے والوں میں شامل ہیں۔ امریکی کانگریس کے ان دونوں اراکین نے ایک بیان میں کہا ہے کہ بل میں ایسی کوئی شرائط نہیں ہیں جس سے پاکستان کی سالمیت کو خطرہ ہو۔ اس بل سے پاکستان کو دی جانے والی غیر فوجی امداد میں تین گنا اضافہ ہو گا اور پاکستان کو اگلے پانچ سال تک ہر سال 1.5 ارب ڈالر ملیں گے۔

اس بل کی امریکی کانگریس سے منظوری کے بعد، پاکستان میں اس پر شدید تنازعہ پیدا ہوا اور پاکستان کی فوج سمیت متعدد سیاسی جماعتوں نے اس پر اپنے تحفظات کا اظہار کیا۔ بعض مذہبی جماعتوں نے اس کو پاکستان کے اقتدار اعلیٰ میں مداخلت اور قومی سلامتی کے خلاف قرار دیا۔ پاکستان میں فوج اور سیاستدانوں کی طرف سے بل کی مخالفت کے بعد وزیرِ خارجہ شاہ محمود قریشی واشنگٹن چلے گئے تھے جہاں انہوں نے امریکی اہلکاروں سے بل کے متعلق مزید مذاکرات کیے۔

وائٹ ہاؤس کے ترجمان رابرٹ گبز نے کہا کہ بل پاکستان کے جمہوری اداروں اور پاکستانی عوام کے لیے حمایت ظاہر کرتا ہے۔ بل پر پیدا ہونے والے خدشات اور پاکستان کی قومی اسمبلی میں سامنے آنے والے تحفظات پر وزیر خارجہ شاہ محمود قریشی نے امریکی اہلکاروں سے مذاکرات کیے جس کے بعد بدھ کے روز امریکی حکام نے کیری۔لوگر بل پر وضاحتی دستاویز جاری کر دی- دستاویز میں یقین دہانی کرائی گئی ہے کہ امریکہ پاکستان کی سلامتی اور اقتدار اعلیٰ میں مداخلت کا کوئی ارادہ نہیں رکھتا۔

پاکستان کے وزیر خارجہ شاہ محمود قریشی نے اس دستاویز کو ایک تاریخی دستاویز قرار دیا ہے اور کہا ہے کہ اس سے فوج سمیت تمام قوم کے خدشات دور ہوجائیں گے۔ سینیٹر جان کیری اور کانگریس مین ہاورڈ برمن نے پاکستانی وزیر خارجہ شاہ محمود قریشی کے ساتھ ایک مشترکہ پریس کانفرنس سے خطاب کرتے ہوئے اس وضاحتی دستاویز کا اجرا کیا- دستاویز میں یہ بھی واضع کیا گیا ہے کہ کیری۔لوگر بل پاکستان کی سالمیت اور اقتدار اعلیٰ میں مداخلت نہیں کرتا اور نہ ہی پاکستان کی قومی سلامتی کے امور کے حوالے سے پاکستان کے سویلین یا فوجی معاملات میں مداخلت چاہتا ہے۔ اس میں لکھا ہے کہ امریکہ پاکستانی فوجی افسران کی تقرری، تبادلوں یا ترقیوں میں ہرگز اثر انداز نہیں ہونا چاہتا ہے اور نہ ہی پاکستان پر کوئی شرط عائد ہوتی ہیں کہ وہ اپنے اندرونی معاملات کے بارے میں امریکہ کو کوئی ثبوت یا وضاحتیں پیش کرے۔

کیری۔لوگر بل میں پاکستان کی فوجی امداد سے متعلق امریکی انتظامیہ پر بعض شرائط عائد کی گئی ہیں جن کے مطابق امریکی وزیر خارجہ ہیلری کلنٹن کو ہر چھ ماہ بعد امریکی کانگریس کے سامنے یہ تصدیق کرنا ہے کہ پاکستان اپنی بیانیہ پالیسی کے تحت القاعدہ اور دیگر شدت پسندوں کے خلاف بھرپور کارروائی کر رہا ہے، جوہری عدم پھیلاؤ کے اقدامات کو جاری رکھے ہوئے ہے اور جیش محمد اور لشکر طیبہ جیسی تنظیموں کو حملوں کے لیے نہ اپنی سر زمین استعمال کرنے دے رہا ہے اور نہ ہی ان تنظیموں کو کسی طرح کی سرکاری مدد اور حمایت حاصل ہے۔

پاکستان کو دی جانے والی امداد کے درست استعمال کے حوالے سے امریکی کانگریس نے امریکی انتظامیہ کو پابند کیا ہے کہ وہ کانگریس کو اس بارے میں رپورٹیں پیش کرتی رہے۔ اطلاعات ہیں کہ یہ تمام امدادی رقم پاکستانی حکومت کو نہیں دی جائے گی بلکہ اس رقم کا کچھ حصہ اسلام آباد میں قائم امریکی سفارتخانے کے ذریعے پاکستان میں مختلف منصوبوں کے لیے مختص کیا جائے گا-امریکی حکام نے بتایا ہے کہ صدر آصف زرداری کی حکومت کو گزشتہ ایک برس میں تین ارب ڈالر کی امداد دی جا چکی ہے۔امریکی وضاحتی بیان کے باوجود اصل بل میں کسی تبدیلی کے نہ ہونے کی وجہ سے امکان یہی ہے کہ پاکستان میں اس پر تنازعہ جاری رہے گا۔